2024: Elleiciones y Democracia en Finlandia

 

Semeya: collectorcoin

Motivu conmemorativu: La importancia de les Elleiciones y la Democracia pa los fineses

Volume d’emisión: 400.000         Fecha d’emisión: 2^u trimestre

 

     Apetecía por suecos, rusos y soviéticos, a Finlandia costó-y lo de so ser independiente. Marchó del control rusu tres la Revolución bolchevique, lo que –y costó sufrir una guerra civil. Tuvo d’enfrentase dos vegaes a la URSS y una a l’Alemaña de Hitler. Tuvo de negociar, tres la fin de la Segunda Guerra Mundial, cola URSS la so independencia democrática y non pasar de nuevu a control soviéticu perdiendo parte del so territoriu y ciudades importantes, acoyendo tamién a tolos refuxaos de diches zones. Durante la Guerra Fría, caltúvose neutral. Anguañu, ye una República Parllamentaria onde el mayor pesu gubernamental cae nel Primer Ministru y non nel Presidente de la República. La so Constitución del añu 2000, establez, como cabera autoridá, al Parllamentu. Tamién ta consideráu como un de los países con menos corrupción del mundo.

 

     Nel intre la moneda apaez un diseñu esquematizáu d’una serie papeletes furaes y faciendo figures xeométriques ente elles. Alredor, la lleenda VAL ◊ DEMOKRATI / VAALIT ◊ DEMOKRATIA (en finés y suecu, Elleiciones-Democracia). A mandrecha, vese la marca la ceca y FI, como iniciales del país emisor. Abaxo, l’añu acuñación 2024.

 

     Nel aniellu esterior, les doce estrelles de la Xunión europea.

 

     Fontes: Wikipedia: Finlandia

                  Numismatica visual (castellán)