2024: Serie emblemes nacionales: L’acianu

 

Semeya: collectorcoins

Motivu conmemorativu: L’acianu, flor nacional d’Estonia

Volume d’emisión: 1.000.000         Fecha d’emisión: 21 de mayu

 

    Conocía científicamente como Centaurea Cyanus, tién una montonera de nomes populares, siendo acianu, clavelina, azulexu o pincel, de los más emplegaos. El so llugar preferíu pa espoxigar son los campos de cereales, polo que taba catalogada como mala herba dende tiempos de los romanos. D’orixe européu, espárdese anguañu per tol mundu, esceutu África, al dir la so semiente amestada colos cereales esportaos. Dende’l sieglu XVI ye conocía la so cualidá antiinflamatoria, sobremanera pa la cura los güeyos.

     Nel aspeutu simbolóxicu, ye emblema nacional n’Alemaña y Estonia ya identifica, en Francia, a los primeros soldaos de la Primer Guerra Mundial que llevaron el nuevu uniforme del exércitu, tintáu precisamente col collor azul acianu (dafechu Francia sacare una moneda conmemorativa nel 2018, de la Bleuet de France, enllena simbolismu). Pa los estonios ye un símbolo de bona suerte y amor.

 

     Nel intre la moneda apaecen unes flores d’acianu ente tallos de cereales. Alredor, el so nome científicu CENTAUREA CYANUS, el nome del país emisor EESTI y l’añu emisión 2024. El diseñu ye obra del artista  Kaupo Kangro.

     Nel aniellu esterior, les doce estrelles de la Xunión europea.

 

     Fonte: Wikipedia: Clavelina

                 Numismática visual (castellán)