2024: Serie ciudaes croates: Varaždin

Semeya: collectorcoins

Motivu conmemorativu: Ciudá vieya de Varaždin

Tirada: 200.000              Fecha d’emisión: 2 de xunetu

 

     Varaždin asitiase al norte de Croacia, ta consideráu’l Condáu más antíguu de Croacia y ún de los más poblaos. Territoriu fronterizu ente Hungría, Austria y Croacia, yera pasu forzáu pa los comerciantes húngaros camín del mar Adriáticu, lo que fexo que la ciudá espoxigare económicamente y algamare dellos privilexos durante la Edá Media. Dende’l sieglu XVI, formó parte del cordón de fortificaciones construyíes polos Habsburgu pa combatir les incursiones otomanes. Tres la fin de la guerra, sufrió una fondera remocicación del so entramáu caixeru, que la convirtió na “capital del Barrocu” croata. Güei ye una parada obligada pal turismu cultural.

 

     

     El castiellu de Varaždin data del sieglu XII, pero foi fonderamente reformáu nel sieglu XIV n’estilu Góticu y sobremanera nel XVI, n’estilu Renacentista pa siguir con dellos retoques Barrocos nel XIX. Anguañu, ye’l Muséu de la Ciudá.

 

 

      Nel intre la moneda apaez el castiellu Varaždin cola lleenda: STARI GRAD VARAŽDIN (Ciudá Vieya de Varaždin) y el nome del país emisor col añu acuñación HRVATSKA 2024.

     Nel aniellu esterior les doce estrelles de la Xunión europea.

 

Fontes: Wikipedia. Varaždin. Castiellu de Varaždin. (croata)

                                 Frontera Militar (castellán)

             Numismática visual (castellán)