 |
|
Semeya: collectorcoins |
Motivu conmemorativu: 500
Cabudañu de Marko Marulić
Tirada: 200.000 Fecha d’emisión: 15 d’ochobre
Marko Marulić (1450-1524) escritor humanista cristianu al que se-y atribúi el fechu de ser el primeru n’emplegar l’idioma croata en dalgunes de les sos obres (la mayoría, llóxicamente, taben escrites en llatín). Natural d’Split, tamién ta catalogáu como héroe croata polos sos llamamientos de resistencia al so pueblu frente a la invasión otomana del país. De fondera educación cristiana, munchos de los sos escritos tomen como base La Biblia, detacando, precisamente, la so obra Judit, catalogáu como’l primer llibru de la historia escritu en croata, y que toma de referencia la vida de la heroína bíblica Judith y el so enfrentamiento con Holofermes, adautáu a la so época y país, precisamente como propaganda antiotomana (el 22 d’abril, cellébrase’l Día del llibru croata, por ser la fecha en que Marulić acabó d’escribila). Morrió na so ciudá natal, siendo mencionáu, n’escritos eclesiales llocales, como Siervu de Dios, al morrer con reputación de santidá, magar que nun s’entamare nengún procedimientu pa la so beatificación.
Nel intre la moneda apaez el bustu del homenaxeáu col so nome croata MARKO MARULIĆ. Tres la nuca, les iniciales del país emisor HR. En baxo, l’añu acuñación 2024.
Nel aniellu esterior les doce estrelles de la Xunión europea.
Fontes: Wikipedia. Marko Marulić (croata)
Numismática visual (castellán)
No hay comentarios:
Publicar un comentario