2023: Alessandro Manzoni

 

Semeya: collectorcoins

Motivu conmemorativu: 150 cabudañu d’Alessandro Manzoni

Volume d’emisión: 3.000.000         Fecha d’emisión: 15 mayu

 

     Alessandro Francesco Tommaso Antonio Manzoni (1785- 1873) poeta y narrador italianu, representante del Romanticismu del so país. La so obra más conocida ye la novela histórica titulada I promessi sposi, considerada una referencia básica de la lliteratura italiana. Escrita na so llingua vernácula, el lombardu, coló pa Florencia a deprender la so llingua y poder asina tornar la so obra al toscanu, llingua que consideraba más culta y carauterística d’Italia que la de so. D’altu llinaxe, la so pasión pola lliteratura y la escritura provienen de la so rama materna, de so ma y del so güelu. Educáu en colexos relixosos, criticó la rixidez educativa de los cures, pero, gracies a ello, algamó  un esquisitu gustu lliterariu. Arriqueciose, culturalmente falando, moviéndose pelos círculos lliterarios de l’alta aristocracia italiana, pasando del clasicismu al romanticismu y convirtiéndose nel lliteratu más detacáu del momentu n’esti segundu estilu.

 

     El Vaticanu tamién –y dedica una moneda de dos euros esti añu.

 

     Nel intre la moneda apaez el bustu del homenaxeáu xunto al so nome ALESSANDRO MANZONI. Entemediu, la marca identificativa del país emisor RI y los años de la efeméride 1873-2023 (ésti caberu ye tamién el d’acuñación de la moneda). A mandrecha, la marca de la ceca R y la marca del diseñador Antonio Vecchio, AV.

 

      Nel aniellu esterior, les doce estrelles de la Xunión europea.

 

     Fontes: Wikipedia. Alessandro Manzoni (castellán)

                  Numismática visual (castellán)

                  Colnect.com