2023: Aeronautica Militare

 

Semeya: collectorcoins

 

Motivu conmemorativu: 100 aniversariu de l’Areonautica Militare d’Italia (Fuercies Aérees Italianes)

Volume d’emisión: 3.000.000         Fecha d’emisión: 21 de marzu

 

      Aeronautica Militare (AM) o Aeronautica Militare Italiana (AMI) ye’l nome de la fuercia aérea militar d’Italia. El so escudu va acompañáu del llema Virtute siderum tenus (Con valor hasta les estrelles).

 

     En 1887, Italia entamó a emplegar globos aerostáticos, como puestos d’observación, durante la Guerra d’Etiopía, y en 1911, tamién aviones durante la Guerra de Libia. Durante la Primer Guerra Mundial conociose colos nomes de Servizio Aeronautico o Arma Azzurra. En 1923 “independízase” del exércitu y forma la sopropia arma, ministru incluyíu, y nomada Regia Aeronautica. Cola llegada de la República, nomose Aeronautica Nazionale Repubblicana, y en 1946, bautizose col nome d’anguañu.

 

    El logu diseñáu pa cellebrar la efeméride, ye obra de Francesco Simone y lleva’l títulu Per omnia coela (per tolos cielos) y fai tributu a tolos homes y muyeres que pasaron por esti cuerpu n’estos 100 años d’hestoria.

     Nel intre la moneda reproduzse’l logu de la efeméride, onde van incluyíos los años de nacencia y centenariu 1923-2023 (ésti caberu ye tamién el d’acuñación de la moneda) acompañaos de la lleenda AERONAUTICA MILITARE. Riba, la marca identificativa del país emisor RI, a manzorga, la marca de la ceca R y a mandrecha la marca del diseñador Valerio de Seta, VdS.

 

 Nel aniellu esterior, les doce estrelles de la Xunión europea.

 

     Fontes: Wikipedia. Aeronautica Militare (castellán)

                  Numismática visual (castellán)