2020: Cume Iberoamericana

 

Semeya: Eurocoinland

Motivu conmemorativu: XXVII Cume Iberoamericana de Xefes d’Estáu y de Gobiernu n’Andorra 

Volume d’emisión: 73.500         Fecha d’emisión: 2^u semestre 

     La Cume Iberoamericana de Xefes d’Estáu y de Gobiernu ye l’aconceyamientu de los máximos representantes de los estaos americanos que caltienen unos llazos del tipu cultural, llingüísticu y económicu colos estaos ibéricos. El so percorríu entamó pel añu 1991 y foi anual hasta’l 2014, a partir d’ehí ye bianual. Del so organigrama sácase qu’esisten estaos miembros de drechu plen, miembros asociaos y miembros observadores; esta dixebra faise en cuenta de si los estaos asistentes tienen el español o el portugués como llingua oficial, cooficial o con minoríes de falantes; solo los estaos observadores tan llibres d’esti requisitu. Cada cume xira alreor d’un tema y esti 2020 va sobre Desarrollu Sostenible-Obxetivu 2030. L’estáu anfitrión d’esti añu ye Andorra, país de drechu plen dende 2004 (la so llingua oficial ye’l catalán, pero tamién ye innegable la so vinculación histórica cola Península Ibérica).

     Nel intre la moneda aparez un árbole que fina nes sos cañes a un llau, un piñu xente que representa la integración social, cultural y educativa p’algamar un futuru sostenible, y per otru llau, unes ruedes dentaes a mou engranaxe que representen la enerxía del movimiento ente les propuestes ya idées de los participantes. Alredor, la lleenda XXVII CIMERA IBEROAMERICANA. Baxo les persones el nome del país emisor y l’añu emisión ANDORRA 2020. Baxo les ruedes, el logu del eventu. La moneda foi acuñada pola FNMT.

     Nel aniellu esterior, les doce estrelles de la Xunión europea.

Fonte: Numismática visual (castellán)

            Diariu oficial de la XE a traviés d’eurocoin

            Wikipedia: Cume Iberoamericana

                               XXVII Cumbre Iberoamericana (castellán)