2019: Festival de Cancios d’Estonia

Semeya: Eurocoin

Motivu conmemorativu: 150 Aniversariu del Festival de Cancios d’Estonia (Laulupidu)

Volume d’emisión: 1.000.000         Fecha d’emisión: 29 d’abril

     El Festival de Cancios d’Estonia (n’estoniu: Laulupidu) ye ún de los mayores eventos de música coral amateur del mundiu, dafechu, foi declaráu Patrimoniu Inmaterial de la Humanidá. Cellébrase cada 5 años nel més de xunetu nel Auditoriu del Festival de Cancios d’Estonia (Lauluväljak) de Tallin, xuntu col de Danza. Nel eventu aconcéyense más d’80.000 persones pa oyir cantar a más de 30.000. El primer festival organizose na ciudá de Tartu nel añu 1869, pasando a Tallin en 1896. Durante la estaya soviética, incluyéronse nel repertorio cancios foriatos. Tres l’esbarrumbe de la U.R.S.S., los cancios y bailles estonios tornáronse nuna auténtica identidá nacional cola que por fin algamaron la so independencia.

     El diseñu ye obra d’una estudiante de secundaria de 15 años nomada Grete-Lisette Gulbis, ganadora del concursu organizáu a posta pal diseñu d’esta moneda y cellebráu na seronda del 2017. Según ella, inspirose nos traxes folclóricos del so país y la gayola que tresmite’l Festival de la Canción, onde les notes van xiringándose como foles na mar.  

     Nel intre la moneda aparez un tercetu cantando. Tres ellos un pentagrama a mou de fola y so ellos una estola con motivos folclóricos cola lleenda LAULUPIDU 150. Enriba’l too aparez l’añu acuñación 2019 y el nome del país emisor EESTI.

     Nel aniellu esterior, les doce estrelles de la Xunión europea.

     Fonte: Diariodelviajero.com (castellán)

                 Wikipedia. Festival de la canción de Estonia (castellán)