 |
|
Semeya: Eurocoinland
|
Motivu conmemorativu: 150 Cabudañu d’Anderas Kalvos
Volume d’emisión:
750.000 Fecha
d’emisión: 11 xunetu
Andreas Kalvos (Ἀνδρέας Κάλβος, 1792 –
1869) poeta griegu de la escuela romántica.
Nacíu na islla de Zacynthos, bien xoven
coló con so pá pa la ciudá de Livorno n’Italia, onde estudió griegu clásicu,
lliteratura llatina ya historia. De al man del poeta Ugo Foscolo conoció el
Neoclasicismu y les idées polítiques del Lliberalismu. D’esti periodu salen
delles traxedies escrites n’Italianu. Bon viaxeru, cala primero en Suiza tres
Foscolo y llueu parten xuntos pa Inglaterra, onde pierden l’amistá. D’esti
periodu británicu, sal de Kalvos una gramática moderna pal idioma griegu y un
diccionariu sintácticu griegu-inglés. Tando en Florencia, tomó partíu a favor
de la independencia griega, momentu nel que escribió poemes y odes en griegu.
Elli mesmu viaxaría hasta Grecia pa sofitar la llucha, pero bien lluegu quedó
desencantáu coles engardielles ente griegos y la indiferencia d’éstos haza elli
mesmu y la so obra, polo que decidió afincase’n Corfú. En 1852 torna a
Inglaterra onde se casa por segunda vez y funda una escuela pa moces na ciudá
de Louth, Lincolnshire. Ellí muerre y ye enterráu nel camposantu de la ilesia
de St. Margaret en Keddington, cerca Louth, hasta que’n 1960 el poeta y
embaxador griegu en Londres George Seferis consigue llevalu pa la so islla de
nacencia.
Nel intre la moneda aparez un retratu del
homenaxeáu. A mandrecha lleese’l nome del país emisor ΕΛΛΗΝΙΚΗ ΔΗΜΟΚΡΑΤΙΑ (República Helena) y a manzorga el
nome del poeta ANΔPEAΣ KAΛBOΣ colos años 1792-1869. Al llau vese la marca de la
ceca griega y l’añu d’emisión. Tres la nuca aparez la marca del diseñador Yorgos Stamatópoulos
Nel aniellu
esterior, les doce estrelles de la Xunión europea.
No hay comentarios:
Publicar un comentario