2014: Ilmari Tapiovaara

 

Motivu conmemorativu: 100^u Aniversariu del nacimientu de Yrjö Ilmari Tapiovaara

Tirada: 1.000.000                  Fecha d’emisión: 10 de payares      

     Yrjö Ilmari Tapiovaara (1914 - 1999) diseñador finlandés principalmente de muebles y testiles. En 1937 graduose en diseñu d’interiores y al añu siguiente trabayó pa Asko. Durante la Segunda Guerra Mundial, Tapiovaara diseñó piragües y muebles de campaña pal Exércitu finlandés, un trabayu daqué complicáu, ya que sólo podía emplegar madera local, ferramientes cencielles y, sobre too, nin clavos nin torniellos. Profesor de diseñu nel Institutu Teunolóxicu d’ Illinois y collaborador coles Naciones Xuníes en programes de desendolcu, baso´l so trabayu nes idees de la responsabilidá social y la democracia. Ente los sos diseños más famosos alcuéntrense les sielles Domus y Mademoiselle.

     Nel intre la moneda aparez un detalle de la siella Mademoiselle. A manzorga hai un corru fechu col nome del conmemoráu y les feches del so nacimientu y la so muerte Ilmari Tapiovaara 1914 – 1999. A mandrecha, l’añu emisión 2014, les iniciales del país emisor Fi y la marca de la ceca de Vantaa. El diseñu la moneda ye de Harri Koskinen.

     Nel aniellu esterior les doce estrelles de la Xunión Europea.