Motivu conmemorativu: IV centenariu de la primer edición
de la obra de Miguel de Cervantes L’inxeniosu
Fidalgu Don Quixote de la Mancha
Tirada: 8.000.000 Fecha
d’emisión: 1u d’abril
La novela escrita por Miguel de
Cervantes Saavedra y titulada (abreviao) L’inxeniosu Fidalgu Don Quixote de la
Mancha, foi espublizada por primer vez en 1605. Bono, la so primer parte, ya
que la segunda espublizose en 1615. Ye
la obra más destacada de la lliteratura española y una de les más importantes
de la lliteratura mundial. Nel 2002 foi considerada la meyor obra lliteraria de
la historia tres la votación de 100 grandes escritores de 54 nacionalidaes
sofitada pol Club Noruegu del Llibru
Esiste una versión íntegra del Quixote en
llingua asturiana, tornada pol doctor en filoloxía pola Universidá d’Uviéu
Pablo Suárez García en 2010 y depositada nel Museo Cervantino de El Toboso en xunu de 2014, y que tá a
disposición de los sos visitantes. La obra inda nun tá espublizada por falta perres,
anque l’Academia de la Llingua Asturiana anda interesada na so edición. Per
otru llau, la escritora asturiana Esther García López espublizó en 2005 una seleición
de testos del Quixote, titulada Aventures
del Quixote. Foi editada por Madú y dibuxada por Neto. Amás, Pedro Lanza
Alfonso espublizó en 2004 y con VTP, El
Caballeru de la Murnia Figura, una obra teatru basada nos testos del clásicu
castellán.
Nel intre la moneda imaxe de
Don Quixote, armáu con una llanza, y molinos de vientu al fondu. A manzorga
aparez la lleenda ESPAÑA en baxu relieve y so ésta la marca la ceca de Madrid.
Nel aniellu
esterior les doce estrelles de la Xunión Europea, cuatru d’elles baxu
relieve. L’añu d’acuñación 2005 aparez allendando la estrella de les seis en
puntu.
No hay comentarios:
Publicar un comentario