2015: Alcuentru Mundial de la Familia

Motivu conmemorativu: VIII Alcuentru Mundial de la Familia. Philadelphia, USA 2015

Tirada: 122.000              Fecha d’emisión: 6 d’ochobre

     Estos alcuentros fainse cada tres años pa destacar a la familia como “patrimoniu humanu común y reflexar el so calter universal y la so contribución al llau humanu de la vida en tol mundu”. Nació en 1994 de la man de Xuan Pablu II y de mou itinerante. L’alcuentru suel dixebrase en dos eventos: un congresu y un aconceyamientu popular.

     L’alcuentru en Philadelphia tuvo llugar ente los díes 22 y 27 de setiembre.

     Nel intre aparecen dos families arrodiando un globu terráqueu col mapa d’América. Soles tiestes aparez l’añu d’acuñación 2015; la marca de la ceca de Roma (R) tá a mandrecha, nel brazu l’home. Alredor del diseñu, la lleenda: VIII INCONTRO MONDIALE DELLE FAMIGLIE • CITTA’ DEL VATICANO •. A manzorga vese’l nome de la diseñadora Chiara Principe (C. PRINCIPE).

     Nel aniellu esterior, les doce estrelles de la Xunión Europea.