2014: Muria de Berlín

Motivu conmemorativu: 25^u Aniversariu de la cayía de la Muria Berlín

Tirada: 103.000                     Fecha d’emisión: 14 d’ochobre

     La nueche del 9 al 10 de payares de 1989 cayía’l símbolu por antonomasia de la Guerra Fría: La Muria Berlín. L’esbarrumbe políticu de la República Democrática Alemana fexo que’l propiu pueblu berlinés s’averare a la muria dende los dos llaos de la ciudá dixebrada y ante la confusión de los guardas, entamaren a cruzar d’un llau a otru pelos pasos fronterizos. Nos díes posteriores, la propia xente entamó l’esbarrumbe físicu de la muria con maces, martiellos y escoplos. Angüañu, los restos de muria na Bernauer strasse (cai Bernauer) tan declaraos monumento históricu.

     Nel intre aparez la Puerta de Brandemburgu con una serie ladrillos delantre cola lleenda nel so intre XXV ANNIVERSARIO DEL CROLLO DEL MURO DI BERLINO 1989 2014 (XXV Aniversariu de la cayía de la Muria de Berlín 1989 2014). Nel centru vese una cañina d’olivu y pelos requexos del diseñu, un alambre d’espinos. Na parte superior, lleese’l nome del país emisor CITTA’ DEL VATICANO. La marca de la ceca de Roma (R) aparez na parte inferior. A manzorga vese’l nome de la diseñadora Gabriella Titotto (G. TITOTTO).

     Nel aniellu esterior, les doce estrelles de la Xunión Europea.