2008: Drechos Humanos

Motivu conmemorativu: 60^u Aniversariu de la Declaración Universal de los Drechos Humanos

Tirada: 1.035.000               Fecha d’emisión: 15 setiembre

    La Declaración Universal de los Drechos Humanos ye un documentu aprobáu’l 10 d’avientu de 1948 en París, pol Conceyu Xeneral de les Naciones Xuníes. Esti documentu recueye los drechos básicos del home en 30 artículos. El documentu redactolu un comité de la Comisión de Drechos Humanos de les Naciones Xuníes formáu por Eleanor Roosevelt (Estáos Xuníos), René Cassin (Francia), Charles Malik (Líbanu), Peng Chun Chang (China), Hernán Santa Cruz (Chile), Alexandre Bogomolov/Alexei Pavlov (Xunión Soviética), Lord Dukeston/Geoffrey Wilson (Reinu Xuníu) y William Hodgson (Australia). John Peters Humphrey (Canadá), direutor de la División de Drechos Humanos de la ONX, tamién aportó el so llabor. La Declaración foi sometía a votación y foi aprobada por 48 votos a favor, nengún escontra y 8 abstenciones.

     Nel intre la moneda aparez l’escudu d’armes de Portugal na parte superior y de mou descendente, el nome del país emisor PORTUGAL, l’ añu d’emisión 2008 y un diseñu xeométricu. La lleenda 60 ANOS DA DECLARAÇÃO UNIVERSAL DOS DIREITOS DO HOMEM arrodiando’l diseñu seguío de la inscripción Esc. J. Duarte (grabador João Duarte) y la marca la ceca Lisboa INCM en carauteres perpequeños.

     Nel aniellu esterior les doce estrelles de la Xunión Europea.

     Bélxica y Finlandia tamién emitieron una moneda esti mesmu añu col mesmu fin commemorativu.