2024: Ghirlandaio

 

Semeya: collectorcoin

Motivu conmemorativu: 530 Cabudañu de Domenico Ghirlandaio

Tirada: 59.000           Fecha d’emisión: 5 setiembre

 

     Domenico di Tommaso Curradi di Doffo Bigordi, conocíu col nomatu de Ghirlandaio (1448-1494). Florentín hasta la fin; ellí realizó la mayor parte de los sos trabayos, anque tamién dexó güelga en Roma y la Toscana. Nacíu nel sen d’una familia d’orfebres, refugó seguir los pasos de so pá y dedicase a la pintura retratista en l’alta sociedá del so país. foi guaḥe nel taller florentín d’Andrea del Verrocchio, onde taba formándose la futura xeneración d’artistes de la talla de Sandro Botticelli, Perugino, Lorenzo di Credi y, dellos años depués, Leonardo da Vinci. Años más tarde, nel so propiu taller, formaríense artistes como Miguel Ánxelu. Alcontrose bien luego col mecenazgu de la familia Vespucci ya inclusu participó na decoración de la Capiella Sistina. A pesar de tar catalogáu como ún de los más grandes xenios del Renacimientu, morrió probe y enfermu a la edá de 45 años.

 

 

    Nel intre la moneda apaez un detalle de l’Adoración de los Pastores conservada na Capilla Sassetti de la Basílica de la Santa Trinidá de Florencia. Alredor, el nome del país emisor SAN MARINO y el nomatu del homenaxeáu GHIRLANDAIO. Centrao a mandrecha, los años 1494 y 2024 (que ye tamién l’añu acuñación). A manzorga, la marca de la ceca de Roma, R y  abaxo, les iniciales VdS del diseñador Valerio de Seta.

 

  

 

     Nel aniellu esterior les doce estrelles de la Xunión europea.

 

     Fontes: Wikipedia. Domenico Ghirlandaio (castellán)

                   Numista.es : 2 euros 2024. Ghirlandaio

                   Numismática visual (castellán)