2023: Mundial de Rugby

Semeya: numismaticavisual

 

Motivu conmemorativu: Cellebración de la décima edición de la Copa’l Mundu de Rugby nel 2023 en Francia

Volume d’emisión: 15.120.000         Fecha d’emisión: Xunetu

 

 

     El 15 payares del 2017, la World Rugby, escoyó a Francia como sée del mundial del 2023, per delantre de candidatures fuertes como les d’Irlanda y Sudáfrica, y que va cellebrase ente l’ochu setiembre y el 21 d’ochobre. 20 selecciones nacionales y 48 partíos repartíos en nueve estadios, decidirán al ganador d’esta edición. La final, nel Estadiu de Francia de Saint-Denis.

 

     Ésta va ser la décima edición de la Copa’l mundu de Rugby, bien nobel si la comparamos con otros eventos como la de fútbol. Ensin embargu, ye’l tercer fechu deportivu más vistu nel mundu tres los Xuegos Olímpicos y la Copa’l mundu de Fútbol. Sorprende esto n’España, por ser un país con poca afición a esti deporte, tolo contrario a les Islles Britániques, onde trata de tú a tú al mesmísimu balonpie. El Mundial cellébrase ca cuatro años.

     Nel intre la moneda apaez un xugaor de rugby esquematizáu sobre un campu xuegu qu’asemeya un globu terráqueu; tres elli, un universo estrelláu colos planetes en forma balón de rugby. Baxo a manzorga apaez el logu de Francia 2023 y a mandrecha l’abreviatura del país emisor RF llindiáu poles marques de la ceca y el so Grabador Xeneral Joaquin Jimenez. Alredor la lleenda COUPE DU MONDE RUGBY FRANCE 2023 (ésti ye l’añu acuñación).

     Nel aniellu esterior, les doce estrelles de la Xunión europea.

 

     Fontes: Wikipedia: Copa de Mundial de Rugby 2023 (castellán)

                   www.rugbyworldcup.com/2023/

                   Numismática visual (castellán)