2022: Décimu aniversario del casoriu real de los herederos al tronu

Semeya: collectorcoins

Motivu conmemorativu: 10 Aniversariu del casoriu ente Guillaume de Luxemburgu y Stephanie de Lannoy, herederos al tronu.

Tirada: 263.500           Fecha d’emisión: 1^u xunetu

 

     Guillaume de Luxemburgu, fíu primoxénitu del gran duque Henri I y príncipe herederu al tronu del país, tuvo a bien casase cola condesa belga Stephanie de Lannoy en dos ceremonies, una civil el 19 d’ochobre de 2012 na Sala Plenos de la Casa Conceyu de la ciudá de Luxemburgu y otra relixosa al día siguiente na Sée-catedral de la Nuesa Señora, na mesma ciudá. Por tal fechu, emitiose una moneda conmemorativa de 2 euros esi mesmu añu.

     Diez años más tarde, la parexa ya cuenta con un fíu, el príncipe Charles y, esti mesmu 2022, anunciaron l’estáu de bona esperanza de la gran duquesa heredera, poro, celebración por partía doble.

     Nel intre apaecen les efixes de los príncipes herederos xunto col monograma del gran duque Henri I, unos aniellos entellazaos y l’añu acuñación 2022. Alredor, los sos nomes, STÉPHANIE GUILLAUME. So ellos, el nome del país emisor LËTZEBUERG y la fecha del casoriu, 20. OKTOBER 2012, cola marca la ceca de Houten (Paises Baxos) y del mayestru de la mesma.

     Nel aniellu esterior les doce estrelles de la Xunión Europea.

 

     Fontes: Numismática visual (castellán)

                  Bekia.es . 10 Aniversario Boda real luxemburguesa (castellán)