2021: Serie Templos Prehistóricos de Malta: Tarxien

 

Semeya: collectorcoin

Motivu conmemorativu: Templos de Tarxien 

Tirada: 170.000           Fecha d’emisión: 26 d’ochobre

     Siguiendo cola so mini colleición de monedes dedicaes a los sos yacimientos megalíticos, Malta sacó ésta dedicada a los templos de Tarxien, asitiaos na rexón sureste de la isla de Malta, la mesma a la que pertenez la capital del país, La Valletta. Trátense realmente de tres templos independientes pero connexonaos. El más antíguu data del 3250 e. C. y el más modernu del 3000 e. C. La so relevancia débese a la so particular mampostería y los sos bayurosos relieves tallaos d’espirales ya incluso animales. Los caberos estudios indiquen la presencia de rituales relixosos con sacrificos d’animales y que, probablemente, s’emplegare como cementerio y crematoriu d’humanos pela Edá del Bronce.

     Los anteriores templos homenaxeaos foron los de Ġgantija (2016), Ħaġar Qim (2017),  Mnajdra (2018), Ta' Ħaġrat (2019) y Skorba (2020).

     Nel intre, detalle del templu, onde detaca una entrada decorada ente ábsides. No cimero, el so nome y les dates de la so construcción TARXIEN TEMPLES 3600-2500 BC. So’l templu, el nome del país emisor y l’añu d’acuñación MALTA 2021. La figurina separtá  pertenez a un altar con entellazaos. Na base’l templu, a mandrecha, apaecen les iniciales del grabador Noel Galea Bason (NGB).

     Nel aniellu esterior les doce estrelles de la Xunión Europea.

     Esisten tres variantes d’esta moneda:

       Variante 1: Ensin marques. Nos rollos pa la circulación.

     Variante 2: Cola marca de la ceca de Pessac y la del so direutor. Emisión pa colleicionistes en Coincard.

     Variante 3: Con una F na estrella de les 6 en puntu. Emisión pa colleicionistes en cartera (ídem pa toles monedes de la cartera).

 

     Fontes: Wikipedia. Tarxien (inglés)

                  Numismáticovisual (castellán)

                  Collectorcoin. Ficha téunica (inglés)