2020: Institutu de Neuroloxía y Xenética de Xipre

 

Semeya: Eurocoinland

Motivu conmemorativu: 30 Aniversariu del Institutu de Neuroloxía y Xenética de Xipre

Tirada: 412.000                 Fecha d’emisión: 4^u trimestre

     La neuroxenética ye una estaya científica onde se xunten la xenética y la neuroloxía, cola fin d’estudiar el desarrollu y les funciones del sistema nerviosu, asina como’l papel que puean xugar los xenes en tala operación. El so estudiu entámase pela segunda metá de añu 1900 tres los avances en xenética y bioloxía molecular y les postreres entrugues sobre posibles conexones ente los xenes, el celebru, el comportamiento y les enfermedaes neurolóxiques.

     L’Institutu de Neuroloxía y Xenética de Xipre (CING, les sos siegles n’inglés) nació nel 1990 nun área del Hospital Makarios III de Nicosia d’unos 300 m² y 20 miembros ente científicos y personal alministrativu. Anguañu tién les sos propies instalaciones, d’unos 10.000 m², y un equipu de 200 persones, investigando n’una bayura estayes como distrofia muscular, esclerosis múltiple, epilepsia, anomalíes cromosómiques, talasemia, viroloxía molecular, el retrasu mental, les enfermedaes cardiovasculares, los accidentes celebrovasculares, la fibrosis quística y la neuroxenética. Tamién ofrez títulos académicos en collaboración con instituciones y universidaes tanto nacionales como estranxeres. De magar, cuenta con reconocimientu internacional no referente a servicios d’alta calidá, innovación na investigación y la educación postgráu.

     Una sola neurona nun fai un res; ha de coneutase con otres y formar el nomáu Sistema Nervios upa que la información que tresmita seya relevante. Calcúlase que’l celebru humanu adultu tién unes 100.000 millones de neurones. L’espaciu esistente ente neurones nómase sinapsis (tamién pue dase ente una neurona y otres célules) y de magar que parez una separación, realmente ye una conexón pa trasferise datos ente célules.

     Nel intre apaez una neurona coles sos sinapsis. Alredor, la lleenda INETITOYTO NEYPOAORIAΣ & RENETIKHΣ KIMPOY (Institutu de Neuroloxía y Xenética de Xipre) colos años 1990-2020 (esti caberu tamién ye l’añu acuñación).  Fina’l círculu el nome del país emisor en griegu y en turcu ΚΥΠΡΟΣ - KIBRIS.

     Nel aniellu esterior, les doce estrelles de la Xunión Europea.

     Fontes: Numismática visual (castellán)

                  Diariu Oficial de la XE a traviés d’Eurocoin (castellán)