2020: Serie Familia Gran Ducal: Príncipe Henri

 

Semeya: collectorcoins

Motivu conmemorativu: Bicentenariu del nacimientu del príncipe Henri d’Orange-Nassau

Tirada: 500.000           Fecha d’emisión: Xineru

     Willem Frederik Hendrik (1820-1879) tercer fíu de los reis Guillermu II y Ana Pávlovna Románova de los Países Baxos. Gobernador de Luxemburgu dende’l 1850 hasta la so muerte (d’aquella Luxemburgu entá taba asociáu a la corona neerlandesa). Poco más sobre esti home, salvo qu’ingresó na marina guerra, polo que se conoz col nomatu de El Navegante. Casose dos vegaes, pero nun tuvo descendientes. Tocó-y, eso sí, bregar cola Crisis luxemburguesa de 1867: Napoleón III de Francia quixu merca-y el gran ducáu al rei Guillermu III que diba mal de perres, y ésto nun-y prestó un res al gran canciller alemán Otto von Bismark. A la fin, Luxemburgu caltúvose asociáu al rei neerlandés, pero les tensiones franco-alemanes españaron, años más tarde, n’una guerra.

     Nel intre aparecen los bustos del príncipe Henri y el  del gran duque Henri I. Alredor lleese la leenda Prince Henri d’Orange-Nassau, y so elli los años 1820-1879. Nel exergu, el nome del país emisor LUXEMBOURG y l’añu emisión 2020 llindiáu poles marques de ceca.

     Nel aniellu esterior les doce estrelles de la Xunión europea.

Fontes: Diariu oficial de la XE a traviés d’eurocoin (castellán)

             Wikipedia: Enrique de los Países Bajos (castellán)

                                Crisis luxemburguesa (castellán)

             Numismática visual (castellán)