Anversu

     Nómase asina a la faz más importante de la moneda, por ser onde se graben los elementos más representativos de país emisor: la cara o bustu d’un rei, presidente o gobernador colos sos títulos y nome; el nome del país; un personaxe, eventu, especie animal, vexetal o mineral que se quiera homenaxear (monedes conmemoratives, principalmente); l’añu d’emisión… 

     Nel casu de les repúbliques, lo más normal ye que traiga l’escudu la nación o dalguna representación gráfica de la mesma (un aigla heráldicu, por exemplu) anque tampoco ye raro qu’aparezan bustos de personaxes destacáos o representaciones allegóriques del sistema o ideal republicanu.

  

     Representaciones republicanes

     L’anversu ye conocíu también pol nome de cara nel estáu español precisamente pola tradición monárquica del país, reflexao ello nes sos monedes, cola grabación de los bustos de los distintos reis ya dinastíes dominantes. Otru nome col que se conoz ye rectu.

La cara