2019: Ciudá del Vaticanu

 

Semeya: Coincollector

Motivu conmemorativu: 90 Aniversariu de la fundación del estáu Ciudá del Vaticanu 

Tirada: 91.000           Fecha d’emisión: 4 marzu

 

     Cola ocupación de los Estaos Pontificios pol exércitu italianu en 1870, fínase la Xuntanza Italiana. Pal nuevu estáu, Roma tenía que ser la capital, daqué que refugaben los papes. Poro, Pio IX acantónase na Basílica San Pedru y los edificios tres la muria defensiva del recintu Vaticanu. Asina pasaron 50 años ensin que nengún papa saliere d’esta prisión voluntaria hasta que Mussolini firmó’l Tratáu de Letrán en 1929, pol qu’Italia reconocía la soberanía d’un estáu pontificiu dientro de Roma. El papa d’entós yera Pio XI.

     Nel 2004 El Vaticanu ya sacare una moneda de 2 euros pa conmemorar el 75 Aniversariu del nacimiento del so Estáu.

     Nel intre la moneda aparez el retratu del papa Pio XI cola tiara papal delantre la Plaza de San Giovanni de Roma, onde s’asitien el palacio de Letrán, la basílica de San Xuan y el gran obeliscu trayíu dende Exiptu pol emperador Constanciu II. No cimero, el nome del país emisor STATO DELLA CITTA´ DEL VATICANO. No baxo, Un medayón colos años 1929 2019 (esti caberu, l’añu d’acuñación) y el nome del artista FUSCO. El de la grabadora Maria Angela Cassol, CASSOL INC, aparez so la fachada de la ilesia. 

     Nel aniellu esterior les doce estrelles de la Xunión europea.

     Fontes: Wikipedia. Ciudá del Vaticanu

                                      Letrán (castellán)

                                     BoletínOficial de la XE a traviés d’eurocoin (castellán)