2019: Capiella Sistina

 

Semeya: Coincollector

Motivu conmemorativu: Final de la restauración de la Capiella Sistina (1994-2019) 

Tirada: 91.000           Fecha d’emisión: 1^u d’ochobre

     La Capiella Sistina (Cappella Sistina, n’italianu; Sacellum Sixtinum, en llatín) ye la sala más conocía del Palaciu Apostólicu, residencia oficial del papa. Orixinalmente conocida como Cappella Magna, garró’l nomatu d’anguañu pol papa Sistu IV, que mandó la so restauración ente 1477 y 1480. Dende entós celébrense ellí ceremonias papales asina como l’aconceyamientu de los cardenales elleutores pa la escoyeta de nuevos papes. Sistu IV trexo a la flor y nata de los artistas renacentistes del momento pa decorar la capiella, pero foi gracies al papa Xulio II polo que la capiella atrae güei a tantu turista; foi elli el que contrató a Miguel Ánxelu en 1508 y lu dexó facer les maraviyes que fexo na bóveda la Capieya. La so gran obra El Xuiciu Final, féxola ente los años 1536 y 1541.

     La restauración de la Capiella entamó en 1980 en delles estayes, finando oficialmente nel 1994 cola so inauguración y apertura al públicu por parte del papa Xuan Pablu II. Inda faltaríen por restaurar les paredes, que fóronlo en 1999.

     Nel intre la moneda aparez un detalle de El Xuiciu Final. Alredor, el nome del país emisor CITTA´ DEL VATICANO y la lleenda CAPPELLA SISTINA-FINE DEI RESTAURI; nuna segunda fila llénese los años 1994-2019 (esti caberu, el d’acuñación) y un pocuñín per baxu la marca de la ceca de Roma R. A los pies vence les marques de la grabadora Daniela Longo (D.LONGO INC) y la diseñadora Annalisa Masini (A.M.)

     Nel aniellu esterior les doce estrelles de la Xunión europea.

     Fontes: Wikipedia. Capiella Sistina

                   Boletín Oficial de la XE a traviés d’eurocoin (castellán)

                   Numismática visual (castellán)