2019: Filippo Lippi

Semeya: Eurocoin

Motivu conmemorativu: 550 Cabudañu de Filippo Lippi 

Tirada: 60.500           Fecha d’emisión: Setiembre

 

     Fra Filippo di Tommaso Lippi (1406​-1469) monxu carmelita y pintor. Los sos pas yeren carniceros, quedó güérfanu bien lluegu y la so tía nun tenía perres pa curialu, asina qu’entró nel conventu de La Nuesa Señora del Monte Carmelo en Florencia. Como un regodón pa les lletres, tenía ensin embargu gran talentu pal debuxu, asina que col sofitu del prior, enfiló perí les sos inquietudes. El so primer refernte foi’l pintor Masaccio y asina queda refexao nos sos primeros trabayos. La so orixinalidá pa colos paisaxes, asina como la so elegancia nerviosa nel debuxu foron después exemplos pa otru grande de la pintura, Boticcelli. La familia Médici foi’l so principal mecenas.

 

     Yera  Tamién el prototípicu fraile de los cuentos colloraos, folixeru y muyeriegu, dafechu, convenció a les monxes del monasteriu de Santa Margarita pa que una de les sos novicies posare pa la obra que-yos taba realizando. Posó pa elli la xoven Lucrezia Boti, namorose, secuestrola y féxo-y un fíu, Filippino Lippi, que tamién sedría un gran pintor. Magar que la muerte d’esti fulanu foi de lo más misterioso, dicen qu’envenenáu o bien pola familia de la secuestrá o bien por una amante celosa… Lo que sí ta claro ye que la imaxe de la so Lucrezia ye la de la Virxe que podemos ver n’esta moneda.

     Nel intre la moneda aparez un detalle de la so pintura La Virxe col Neñu y dos Ánxelos, en concretu Maruxa y el Neñu. Riba, el nome del país emisor SAN MARINO col nome del homenaxeáu FILIPPO LIPPI. Tres la nuca de la Virxe aparez l’añu 1469 y la marca de la ceca de Roma R. Baxo, aparecen les iniciales de la grabadora Maria Angela Cassol M.A.C. y l’añu d’acuñación 2019.

     Nel aniellu esterior les doce estrelles de la Xunión europea.

     Fonte: Wikipedia. Filippo Lippi  (castellán)

                 Diariu oficial de la Xunión europea a traviés d’Eurocoin (castellán)