2021: República de Letonia

 

Semeya: colectorcoin

Motivu conmemorativu: Centenariu del reconocimientu de iure de la República de Letonia 

Tirada: 412.000              Fecha d’emisión: 20 xineru

     Les tres Repúbliques báltiques (Estonia, Letonia y Lituania) siempre foron carambelos queríos polos sos llambiones vecinos, rusos, alemanes, daneses… ca ún na so estaya. Durante la Primer Guerra Mundial Letonia taba dixebrada por dos potencies encaraes, l’Imperiu alemán y l’Imperiu rusu. Tres la revolución rusa y el desaniciu del frente oriental de la guerra, los nacionalistes letones entamen una triba d’engardieyes escontra alemanes bálticos y soviéticos consiguiendo nel 1920 controlar to’l so territoriu. El 26 de xineru del 1921 les potencies occidentales deciden aceutar a Letonia como estáu independiente de iure (o de factu) y la posibilidá de formalizar la so entrada na Sociedá de Naciones, más bien como refuerzu aliáu na frontera cola ya vitoriosa República Soviética rusa que por otra cosa. Lo que ta claro, eso sí, ye que foi un claru reconocimientu del altu setimientu nacionaliegu de los letones, enfotaos en caltener una nación non dixebrable.

     Nel intre la moneda apaez una cenciella lleenda na que s’amesten les identidaes especifiques del país emisor col fechu a conmemorar: 100 LATVIJA DE IURE 2021. El diseñu la moneda ye obra del artista Zane Ernštreite. Foi acuñada na Staatliche Münze Baden-Württemberg (Karlsrue, Alemaña).

     Nel aniellu esterior les doce estrelles de la Xunión europea.

 

     Fontes: Wiquipedia: República de Letonia 1918-1940 (castellán)

                  Numismática visual (castellán)