2023: 200 años del corréu postal (correos)

 

Semeya: numismática visual

Motivu conmemorativu: 200 Aniversariu del corréu postal en dilixencia ente Viena y Bratislava.

Volume d’emisión: 1.000.000          Fecha d’emisión: 11 d’ochobre

 

     L’espoxigue de la mensaxería per Europa fae que l’envíu de corréu pelos medios tradicionales (caleyando o a caballu) nun seya pa cubrir les necesidaes. El novedosu sistema del tresporte de persones y materiales en dilixencies, entra de llenu nel mundu de la posta, creyándose los servicios postales de dilixencies pa los llargos percorríos y l’Imperiu Austrohúngaru, pola so gran estensión, nun diba ser menos. Xunir Viena, la gran capital del Imperiu, col restu capitales alministratives del so domeñu, faise de vital importancia, sobremanera pa soportar la bayurosa burocracia que sostenía el sistema. Ente Viena y Bratislava hai poco más de cincuenta kilómetros, polo qu’esti sistema postal resulta ser bastante rápidu y competitivu.

 

     Nel intre la moneda apaez una dilixencia en movimientu, guiada pol so postillón y col tradicional símbolu identificativu de los correos, el cuernu. Na parte superior apaez el nome del país emisor SLOVENSKO y na inferor, l’añu de nacencia de la ruta postal, 1823, seguía de los nomes de les dos ciudaes xuníes, en llingua eslovaca, VIEDEŇ BRATISLAVA, separao por una llínia del añu acuñación 2023.  Na paré del caruaxe apaecen la marca de la ceca y la de la diseñadora Mária Poldaufová (MP).

 

     Nel aniellu esterior, les doce estrelles de la Xunión europea.

 

Fontes: Numismática visual (castellán)