2023: Primer tresfusión de sangre

 

Semeya: collectorcoins

Motivu conmemorativu: Centenariu de la primer tresfusión de sangre n’Eslovaquia

Volume d’emisión: 1.000.000          Fecha d’emisión: 2 de marzu

 

 

     Dende bien antíguo, l’home asocia la sangre cola vida, por ello, munches civilizaciones prauticaben rituales, de tipu relixosu, onde’l principal bebedizu yera’l llíquidu bermeyu. Los primeros intentos de trespasar sangre ente seres vivos danse ya nel sieglu XV, pero nun sedría hasta finales del XIX y entamos del XX, nel que se produza el so exposigue. El 9 payares de 1914 ye la fecha oficial de la primer tresfusión de sangre tal como la conocemos, prauticada pol doctor Lluís Agote. La Primer Guerra Mundial foi un xigantescu llaboratoriu de praútiques, dafechu la primer hermandá de donantes naz en Llondres, de la man de la Cruz Bermeya. En 1923, prautícase la primer y esitosa tresfusión de sangre n’antanu Checoslovaquia (suponse que sedría en Bratislava, capital d’Eslovaquia, pa festexar tala efeméride).

     Nel intre la moneda apaez, del centru pa fuera y separao por círculos, una pingarata sangre dientro d’una cruz y coles lletres identificatives de los dixebros grupos sanguíneos: A, AB, B y O, llindiao por un debuxu estilizáu qu’alterna vasos de precipitaos con gotes de sangre y  onde apaecen la marca de la ceca y la de la diseñadora Maria Poldaufova. Lindia’l diseñu la lleenda PRVÁTRANSFÚZIA KRVI 1923-2023 (años de la efeméride y d’acuñación) xunto col nome del país emisor SLOVENSKO.

     Nel aniellu esterior, les doce estrelles de la Xunión europea.

 

Fontes: Web colemone (castellán)

              Numismática visual (castellán)

              

              Métodos curativos de la sangre a traves del tiempo. Dres Miriam Umile, Hugo Herrera y Daniel Díaz. Comité de Hematología, Oncología y Medicina Transfusional (castellán)