 |
|
Semeya: collectorcoins |
Volume d’emisión: 20.000.000 Fecha d’emisión: Marzu
Carlomagnu, Carlos el Grande (748?-814) rei de los francos, rei de los lombardos y emperador de los romanos. Xunió práuticamente a tola Europa central baxo’l so poder gracies a les sos fazañes militares y l’averamientu al papáu de Roma. Ta consideráu como’l pá de los actuales países d’Alemaña y Francia ya inclusu precursor de la idega d’una Europa xunida, aunque realmente esti proyeutu partió del papa León III, que quería un gobernante únicu sobre tolos cristianos (y que chocaba colos intereses de Bizanciu, onde los sos gobernantes yeren titulaos emperadores de Roma). Baxo’l so reináu, afitose na Península Ibérica lo qu’anguañu conocemos col nome de La Marca Hispánica, que sedría l’embrión de nacencia de los reinos de Navarra, Aragón y los Condaos Catalanes. La capital del so gran imperiu asitiose n’Aquisgrán y na so catedral reposa pa la eternidá.
Nel intre la moneda reproduzse el monograma de la robla de Carlomagnu sobre la identificación octogonal de la catedral d’Aquisgrán. Alredor, KARL DER GROßE, el so nome n’Alemán, los años de nacencia y muerte (748-814), l’añu acuñación 2023 y les marques identificatives del país emisor (una D) y la ceca. Dientro’l monograma apaecen les iniciales del diseñador Tobias Winnen (TW).
Nel aniellu esterior, les doce estrelles de la Xunión europea.
Fontes: Wikipedia. Carlomagno (castellán)
Numismática visual (castellán)
No hay comentarios:
Publicar un comentario