2022: Reconocimientu a los sanitarios

 

Semeya: colectorcoins

Motivu conmemorativu: Reconocimientu a los sanitarios pol so llabor frente al COVID-19

Volume d’emisión: 2.000.000         Fecha d’emisión: 16 de mayu

     Esti añu, Bélxica decide sacar una moneda conmemorativa dedicada a los sanitarios, n’agradecimientu pol so llabor frente a la pandemia del COVID-19. L’añu anterior, ya lo fixeren Italia y Malta.

 

     Nel intre la moneda el diseñu apaez dixebáu en dos partes. A manzorga vense dellos preseos sanitarios (un fonendoscopiu de médicu, una xeringa d’enfermeru y un morteru de boticariu) y unos símbolos que fain referencia a la cardioloxía y l’accesu de minusválidos. Alredor, la lleenda DANKE-MERCI-DANK U (Gracies, nos idiomes oficiales del país). A mandrecha, apaez un sanitariu preparáu pa intervenir delantre de lo que paez un ventanal d’un centru sanitariu. Tres la so nuca, la marca del diseñador Luc Luycx, LL; y so elli, l’añu acuñación 2022, les sigles identificatives del país BE y les marques del direutor de la ceca belga y la ceca d’Utrech (Países Baxos).

     Nel aniellu esterior, les doce estrelles de la Xunión europea.

     Con esti diseñu, despídesemos el mayestru grabador belga Luc Luycx, pá de la cara común de les monedes d’euru, polo menos, no que se refier al diseñu de monedes de circulación.

 

     Fontes: Numismática Visual (castellán)