2019: Serie Familia Gran Ducal: Charlotte

Semeya: Collectorcoin

Motivu conmemorativu: Centenariu del ascensu al tronu de la gran duquesa Charlotte 

Tirada: 307.500           Fecha d’emisión: Xineru

     Charlotte Aldegonde Elisabeth Marie Wilhelmine de Nassau-Weilburg (1896-1985) segunda fía del gran duque Guillermu IV y la gran duquesa María Ana. Xubió al tronu tres l’abdicación de la so hermana mayor la gran duquesa María Adelaida el 14 xineru de 1919. Durante’l so reináu modificose la Constitución, mediante referéndum, pa tisoriar los poderes de la monarquía. Durante la Segunda Guerra Mundial vivió esiliada n’Inglaterra. El 12 payares de 1964 abdica nel so fíu’l prícipe Jean, que ya llevaba faciendu de rexente tres años.

     Nel 2009 ya saliere una moneda conmemorando’l 90 aniversariu del so ascensu al tronu. 

     Nel intre aparez a manzorga’l bustu del gran duque Henri I y a mandrecha el de la gran duquesa Charlotte. Alredor lleese la leenda “Centenaire de l’accession au trône de la Grande-Duchesse Charlotte”, y no baxo el nome del país emisor LUXEMBOURG xuntu col añu emisión 2019.

     No referente a les marques identificatives de la moneda, señalar que vamos alcontramos con dos variantes, a saber: 

     Les que seyan pa poner en circulación, lleven como marques el llión luxemburgués y el caducéu de Mercuriu, marca de la ceca d’Utrech (Países Baxos), en calidá UNC (del inglés Uncirculated, ensin circular, básicamente pa servir de referencia a los colleicionistes que les quieran mercar nuevines, ensin estrenar) pero que va ser la variante a poner en circulación pal mercadéu cotidianu de la xente. Emitiranse unes 300.000 pieces.

    La segunda variante lleva la marca de la ceca d’Utrech y la del so direutor, n’esti casu una ponte de dos güeyos. Esa vién dientro d’una tarxetina y protexía escontra guelpes (n’inglés nómase coincard) propia pa colleicionistes y que suel identificase coles sigles BU (del inglés Brilliant Uncirculated). Saldrán unes 7.500.

     Nel aniellu esterior les doce estrelles de la Xunión europea.

 

Fonte: Diariu oficial de la XE a traviésd’eurocoin (castellán)

            Wikipedia: Carlota de Luxemburgo (castellán)

            Koninklijke Nederlandse Munt/RoyalDutch Mint (Neerlandés/Inglés)