2018: Paisax Nacional

Semeya: Eurocoin

Motivu conmemorativu: Paisax Nacional de Koli

Volume d’emisión: 1.000.000         Fecha d’emisión: Abril

     El Parque Nacional de Koli (en finés, Kolin kansallispuisto) asitiase na rexón de Karelia del Norte. Cubre 30 kilómetros cuadrados de llombes arbolaes na oriella occidental de Llagu Pielinen, y data de 1991. El propósitu inicial del parque ye’l de  preservar el patrimoniu agrícola tradicional d’esta rexón. Dellos campos son segaos, quemaos y re-cultivaos; l’henu córtase anualmente. Les races finlandeses tradicionales de vaca y oveya pacen nes praeres de Koli. Eso sí, la biesca ta protexía xunto cola so fauna. No refernte al ociu turísticu, tién dos ascensores panorámicos furrulando pel branu y dos estaciones d’esquí pal iviernu, daqué chocante pa un Parque Nacional.

     Nel intre aparez un paisax del parque coles llombes de Loma-Koli y Ukko-Koli, y el llagu Pielinen al fondu. A manzorga les iniciales del país emisor Fi; a mandrecha la marca de la ceca de Vantaa, y no baxo l’añu d’emisión 2018.

     Nel aniellu esterior, les doce estrelles de la Xunión europea.

     Fontes: Wikipedia. Parque Nacional de Koli (castellán)