2018: Independencia d’Estonia

Semeya: Collectorcoins

Motivu conmemorativu: Centenariu de la Independencia d’Estonia

Volume d’emisión: 1.317.800         Fecha d’emisión: Xineru

     Estonia; un país de lo más llambión pa los sos poderosos vecinos. Al igual que les otres repúbliques báltiques y Finlandia, sufrió tou tipu d’invasiones, nel so casu, de saxones, eslavos, daneses, suecos, polacos, xermanos y rusos (tamién na estaya soviética). Nel sieglu XVII pertenecía a Suecia, hasta que’l zar Pedro I El Grande de Rusia anexonósela en 1721. Tuvo que llegar la Revolución rusa de 1917 pa qu’Estonia algamare daqué d’autonomía y declarare la so independencia el 24 febreru de 1918. Ensin embargu, díes depués los rusos roblaren colos alemanes el tratáu de Brest-Litovsk col que cedíen el tarrén a los xermanos y finaben cola guerra (la I Guerra Mundial) nel frente oriental. Tres la perda de la guerra poles potencies del Exe, Estonia sufrió una incursión militar soviética que foi refugada, recuperando la so independencia en 1920. En 1940 tornaron los soviéticos y Stalin la convirtió en una República Socialista Soviética más, hasta 1991, añu del desaniciu de la XRSS y proclama, nuevamente de la so independencia. En 2004 entra a formar parte de la Xunión Europea y nel 2011 entra nel euru.

     Esti ye un pequeñu resumen de la historia de Estonia, de xuru que peraxitada, llonga (casi 1000 años camudando d’amos) y que nun foi bastante p’arrequexar les sos ganes d’independencia.

     Nel intre la moneda aparez un pequeñu xuegu ópticu. Per un llau vemos un 18, indicativu del añu de la independencia, 1918; pero tamién podemos ver un 100 como indicativu del centenariu del fechu (y que va rellacionáu cola leenda). Una duerna palombes colen del 1 como símbolos de paz y llibertá. Alredor del diseñu aparez la lleenda SADA AASTAT EESTI VABARIIKI (Años de la República Estonia) seguío del nome del país emisor EESTI y l’añu acuñación 2018. El diseñu ye de Justas Petrulis.

     Nel aniellu esterior, les doce estrelles de la Xunión europea.

     Fonte: Numismatico digital (Castellán) 

                 Verne. El país (Castellán)