2018: Drechos Humanos

Semeya: Eurocoinland

Motivu conmemorativu: 70 Aniversariu de la Declaración Universal de los Drechos Humanos

Volume d’emisión: 75.000         Fecha d’emisión: 26 de payares

     La Declaración Universal de los Drechos Humanos ye un documentu aprobáu’l 10 d’avientu de 1948 en París, pol Conceyu Xeneral de les Naciones Xuníes. Esti documentu recueye los drechos básicos del home en 30 artículos. El documentu redactolu un comité de la Comisión de Drechos Humanos de les Naciones Xuníes formáu por Eleanor Roosevelt (Estáos Xuníos), René Cassin (Francia), Charles Malik (Líbanu), Peng Chun Chang (China), Hernán Santa Cruz (Chile), Alexandre Bogomolov/Alexei Pavlov (Xunión Soviética), Lord Dukeston/Geoffrey Wilson (Reinu Xuníu) y William Hodgson (Australia). John Peters Humphrey (Canadá), direutor de la División de Drechos Humanos de la ONX, tamién aportó el so llabor. La Declaración foi sometía a votación y foi aprobada por 48 votos a favor, nengún escontra y 8 abstenciones.

     Nel intre la moneda aparez una representación esquemática de dos montañes escalonaes que parten d’un valle; ente les dos escaleres faen siete escalones que representen les siete parroquies en que se dixebra’l país (y si nos fixamos, vemos que nel diseñu aparecen tamién siete escaleres en total). Nuna segunda idega, les escaleres asemeyen tamién unes cañes d’árbole con treinta fueyes que representen los treinta artículos de la Declaración. Nel supuestu valle (y tueru del árbole) aparez el nome del país emisor ANDORRA y l’añu acuñación 2018. Alredor del diseñu lleese la lleenda 70 ANYS DE LA DECLARACIÓ UNIVERSAL DELS DRETS HUMANS.

     Nel aniellu esterior, les doce estrelles de la Xunión europea.

     Bélxica, Finlandia y Portugal emitieren nel 2008 una moneda conmemorativa pol 60 aniversariu.

     Fontes: Wikipedia. Drechos Humanos (castellán)

                   Eurocoinland (castellán)