2017: Serie Bundesländer: Estáu de Rheinland-Pfalz

Motivu conmemorativu: Estáu de Rheinland-Pfalz

Volume d’emisión: 30.000.000 pieces         Fecha d’emisión: 3 de febreru

 

     Esti añu la moneda dedicada a los Länder representa al estáu de Renania-Palatináu (Rheinland-Pfalz). La so capital ye Maguncia (Mainz) y lu crucen los ríos Rhin y Mosela.

     Tréveris ye otra de les ciudaes importantes d’esti estáu federal, n’ella asítiase la Porta Nigra, monumentu históricu que formó parte de les fortificaciones romanes de l’antanu nomada Augusta Treverorum; en concretu, yera la puerta setentrional de la muria; data del añu 180 y ye patrimoniu de la humanidá dende 1986. El so nome ye debíu a la pátina escura que la piedra foi tomando col pasu del tiempo, dafechu asina la nomaben ya na Edá Media.

     Nel intre la moneda aparez la Porta Nigra de Tréveris. So ella, el nome del estáu Rheinland-Pfalz y la lletra identificativa del país emisor, D. Enriba’l diseñu aparez l’añu d’emisión 2017; a manzorga vese la marca de la ceca y, a mandrecha, les iniciales del diseñador CH de Chocola Frantisek. 

     Nel aniellu esterior, les doce estrelles de la Xunión Europea.