2015: Alcuerdu aduaneru

Motivu conmemorativu: 25^u Aniversariu de la robla del Alcuerdu aduaneru ente andorra y la Xunión europea

Volume d’emisión: 85.000 pieces           Fecha d’emisión: Avientu

     Andorra y la XE formen una Xunión Aduanera de mercancíes dende 1991, gracies a un alcuerdu robláu’l 28 de xunu de 1990. En 1995 l’alcuerdu foi incrementáu cola llibre práutica aduanera pola qu’Andorra constituyíase n’aduana esterior de la XE. En 2004 aprévense nuevos alcuerdos de cooperación ente la Comunidá Europea y el Principáu y una nueva ampliación del Protocolu aduaneru en materia de seguridá.

     Nel intre la moneda, aparez l’escudu d’Andorra sol mapa del país pirenaicu. So elli hai dos fleches marcando la mesma direición pero distintu sentíu como alegoría del intercambiu comercial ente les dos zones. Dientro aparecen los años 1990 (añu en que se robló l’alcuerdu) y 2015 (añu de la conmemoración, aparte de ser tamién el de la emisión de la moneda). A mandrecha, el nome del país emisor ANDORRA y, alredor del diseñu, la lleenda: 25è aniversari de la Signatura de l’Acord Duaner amb la Unió Europea.

     Nel aniellu esterior, les doce estrelles de la Xunión Europea.