L’aislamientu del frente norte con
respeutu al restu de la zona republicana y la consecuente toma de Santander
poles tropes rebeldes, asina como la escasez d’alimentos y armamentu,
provocaron que les autoridáes locales asturianes asumieren les competencies del
Gobiernu de la República, ente otres coses, el mandu militar, el serviciu de
correos y l’acuñación de moneda. El 25 d’agostu de 1937 Belarmino Tomás (PSOE)
col sofitu de la CNT, proclama en Xixón el Consejo Soberano de Asturias y León
(siendo la capital del mesmu la villa de Xovellanos), independizándose de la
República Española y con intención de tornar a integrarse n’ella "a la
vista de los acontecimientos favorables que se produzcan en el curso de la
guerra". En Madrid nun sentó un res bien esta decisión soberanista, sobre
too cuando’l Conseyu se dirixó a la Sociedá de Naciones cola fin de denunciar
los ataques franquistes sobre’l so país. La cayía d’Asturies el 21 d’ochobre
fraya tou esti proyeutu.
El
Conseyu Soberanu aconceyáu nel antíguu Institutu Xovellanos.
Semeya de la colleición de C. Suárez, Archivu
Municipal de Xixón
Aú se fixeren les monedes inda nun lo tengo claro, nel sen de que según onde mires, dellos autores afirmen que les monedes de 50 céntimos y una peseta foron acuñáes en Guernika (Euskadi) y la de 2 pesetes en Xixón, pero otros dicen que son les de 50 ct y 2 pts les acuñáes en Xixón, lo mesmo que los billetes (nomáos Belarminos pola firma del Presidente del Conseyu, Don Belarmino Tomás). Supongo que col bombardéu de la ciudá vasca y l’esbarrumbe del frente n’Euskadi, pasare a Xixón la ceca astur-llionesa.
Que l’acuñación d’estes monedes foi cuasiartesanal dizlo bien la nuesa pieza de 2 pesetes, de la que se catalogaron hasta 10 variantes.
50 céntimos (1937)
Una Peseta (1937)
Dos Pesetes (1937)
No hay comentarios:
Publicar un comentario