2024: Rita Levi-Montalcini

 

Semeya: collectorcoins

 

Motivu conmemorativu: Rita Levi-Montalcini, Premiu Nobel de Medicina 1986

Volume d’emisión: 3.000.000         Fecha d’emisión: 8 d’agostu

 

     Rita Levi-Montalcini (1909-2012) neuróloga italiana mereceora del Premiu Nobel de Fisioloxía o Medicina en 1986 al descubrir el primer factor de crecimientu conocíu nel Sistema Nerviosu. Rapaza de calter independiente, decidió estudiar medicina a los 19 años escontra la decisión del so pa tradicionalista (les muyeres, en casa). Llicenciada en 1936, decidió dedicase al estudiu de la Neuroloxía y la Siquiatría. En 1937 hebo de fuxir a Bélxica pol so orixe xudíu sefardí y nun poder investigar na Italia facista de Mussolini. En 1940, tornó a Torino ante la inminente entrada de los alemanes nel so país d’acoyía. Tres la guerra siguió investigando nos Estaos Xuníos. Morrió en Roma a los 103 años.

 

     Nel intre la moneda apaez el bustu de la homenaxeá xunto a un microscopiu. Riba, el so nome RITA LEVI-MONTALCINI xunto a la marca identificativa del país emisor RI y la marca de la ceca R. A mandrecha, abaxo, la marca de la diseñadora Silvia Petrassi, SP. Baxo’l bustu, l’añu acuñación 2024.

 

 Nel aniellu esterior, les doce estrelles de la Xunión europea.

 

     Fontes: Wikipedia. Rita Levi-Montalcini 

                  Numismática visual (castellán)