2024: Guardia di Finanza

 

Semeya: collectorcoins

Motivu conmemorativu: 250 aniversariu de la fundación de la Guardia di Finanza

Volume d’emisión: 3.000.000         Fecha d’emisión: 8 d’agostu

 

 

    La Guardia di Finanza ye realmente un cuerpu militar de les Fuercies Armaes italianes, pero supeditá al Ministeriu d’Economía y Finances y al Ministeriu del Interior, nel so apartáu de seguranza pública. Como militares, tienen flota aérea y naval propio, pal control de les fronteres italianes. Como fuercia policial, toca munchos palos, contrabandu, tráficu illegal de persones y droga, y sobremanera delitos financieros y fiscales, blanquéu de perres, evasión d’impuestos, control aduaneru, falsificación de moneda, financiación de la Mafia y terrorismu internacional y criminalidá informática. El so orixe hai que buscalu nel Reinu de Cerdeña; n’ochobre de 1774, naz ellí la Legione Truppe Leggere (Lexón de Tropes Llixeres) cuerpu militar diseñau precisamente pa la vixilancia financiera y la defensa militar de la frontera.

 

     Nel intre la moneda apaez una visión estilizada del escudu del cuerpu militar, un grifu, protexe un cofre (el Tesoru Públicu) per tierra, mar y aire (montaña, mar y cielu) el torrexón fai referencia a les fronteres. Riba, la lleenda GUARDIA DI FINANZA; nel cofre, la marca identificativa del país emisor RI, y abaxo, los años 1774-2024 (la efeméride y l’añu acuñación). Xunto al torrexón, la marca de la ceca R y la de la diseñadora Marta Bonifacio, MB.

 

 Nel aniellu esterior, les doce estrelles de la Xunión europea.

 

     Fontes: Wikipedia. Guardia di Finanza (castellán)

                  Numismática visual (castellán)