2024: Tomás d’Aquino

 

Semeya: Collectorcoins

Motivu conmemorativu: 750 Cabudañu de Tomás d’Aquino

Tirada: 76.900              Fecha d’emisión: 3 de xunetu

 

     Tommaso d’Aquino (1224/25-1274). La fecha y llugar de nacencia anda daqué perdío, dalgunos asitien el llugar n’Aquino, rexón del Lacio y otros en Belcastro, Calabria. N’ambos dos llugares esiste un castiellu a nome de los condes d’Aquino, ya que’l nuesu protagonista, vién d’alta cuna. Entamó a cursar estudios a los cinco años n’abadía de Montecasino, cerca d’Aquino y donde el so tíu yera l’abad (dafechu, la idega de la so familia yera que lu xupliere nel cargu). Na Universidá de Nápoles, entra en contautu cola Orde de los Dominicos onde decide ingresar a pesar de la oposición familiar, que lu llegó a secuestrar. Fuxíu del cercu familiar, abeyúgase’n parís, entrando na so Universidá. Profundu estudiosu de les obres aristotéliques, foi punta llanza de les órdenes mendicantes escontra los profesores seglares de dicha institución, ganando gran prestixu hasta delantre del mesmu papa Xandru IV. Con 31 años ya yera Doctor y profesor de Teoloxía en París. Dende una base aristotélica y metafísica, nun tuvo problemas a la hora revisar dellos escritos teolóxicos d’antanu asina como polemizar con grandes pensadores del momentu, too ello espublizao nuna bona duerna d’escritos. Algama el títulu eclesial de Doctor Anxélicu. La so obra más detacá ye la Summa Theologiae. Muerre de camín a Lyon n’abadía de Fossanova, estrañes circunstancies; al paecer púnxose malu de mou repentín nel viaxe y ya nun recuperó. El mismísimu Dante Alighieri, dexó constancia nel episodio de El purgatoriu de la so Divina Comedia, que Tomás morrió envenenáu por orde del rei de Sicilia Carlos d’Anjou. Tomás d’Aquino foi canonizáu 50 años depués de la so muerte.

 

     Nel intre la moneda apaez el dominicu Tomás escribiendo una de les sos detacaes obres, una de les Summa. Detaquen dellos símbolos identificativos como un sol rellumante nel so pechu, simbolu de sabiduría; tres d’elli, un llíru, como símbolu de castidá, y al so lláu, la silueta de la ilesia de Santu Tomás de Roccasecca, primer edificiu dedicáu a so. Alredor, el nome del país emisor CITTA’ DEL VATICANO ente los años del fechu y el d’acuñación 1274-2024 cola marca de la ceca R. Debaxo, la lleenda DOCTOR ANGELICUS THOMAS AQUINAS. A mandrecha, la identificación de l’artista Arianna Ciccone (A. CICCONE) y a manzorga, la marca del grabador Antonio Vecchio, AV INC.

 

     Nel aniellu esterior les doce estrelles de la Xunión europea.

 

Fontes: Wikipedia. Tomás de Aquino (castellán)

             Numismática digital (castellán)