2024: 2ª serie Bundesländer: Mecklenburg-Vorpommern

 

Semeya: collectorcoins

Motivu conmemorativu: Estáu de Mecklenburg-Vorpommern. Cantiles del P.N.de Jasmund

Volume d’emisión: 30.000.000          Fecha d’emisión: 30 xineru

 

 

 

      El Parque Nacional de Jasmund asitiase na costa báltica alemana, na islla de Rügen. Ye famosu por tener los cantiles de tiza más altos del Mar Bálticu, detacando ente ellos el Königsstuhl (Siella del rei, na semeya) con un altor de 118 metros sobre’l nivel de la mar. Precisamente, ye una vista d’esti saliente, dende la playa, el protagonista grabáu na moneda. Tres d’elli apaez otru saliente cercanu y conocíu como Victoria sicht (miraor Vitoria) famosu por ser el meyor llugar pa face-y una semaya al Königsstuhl, como la presente, garrada de la wikipedia.

 

 

 

     Nel intre apaez grabada una vista del Königsstuhl y Victoria sicht dende la playa. Lleenda: nome del estáu homenaxeáu, MECKLENBURG-VORPOMMERN (Mecklemburgu-Pomerania Occidental) col añu emisión 2024 y la lletra identificativa del país D. Enriba’l cantil, a mandrecha, figura la marca de la ceca y baxo na mar, el monograma del grabador Michael Otto.

 

 

          Nel aniellu esterior, les doce estrelles de la Xunión europea.

 

     Fontes: Wikipedia. Parque Nacional de Jasmund .Königsstuhl (n’inglés)

                  Numismática visual (en castellán)