2023: Rainieru III

 

Semeya: Collectorcoins

Motivu conmemorativu: Centenariu del nacimientu del príncipe Rainier III

Tirada: 25.000               Fecha d’emisión: 31 de mayu

 

     So Alteza Serenísima el príncipe Rainier Louis Henri Maxence Bertrand Grimaldi (1923-2005). Socedió nel tronu de Mónacu al so güelu, Lluis II, tres la renuncia de so má la princesa Charlotte nel añu 1949, magar que ya facía funciones de rexente nos caberos años del so predecesor. Los sos estudios primarios féxolos n’Inglaterra, el bachiller en Suiza y los universitarios en Francia. En 1944 entró a formar parte del Exércitu de la Francia llibre, lluchando n’Alsacia y algamando delles condecoraciones. Heredó un principáu en ruina económica y bien luego entamó a trabayar pa valtiar la situación. El so primer aliáu, pa tal fechu, foi l’armador griegu Aristóteles Onassis que convirtió la  Société des Bains de Mer (SBM) nun casino. El segundu gran filón del príncipe, foi’l so casoriu cola actriz americana Grace Kelly, un escelente reclamu pa la grand societé del momentu, principalmente magnates, qu’algamaben pingues beneficios fiscales por asitiase nel Principáu. Nel planu políticu ya internacional, Rainiero camudó la Constitución en 1962, amenorgando el poder del prícipe en beneficiu del pueblu, el cual escueye a los dieciocho miembros del Conseyu Nacional, órganu de control del país. Gracies a elli, Mónacu forma parte anguañu de les Naciones Xuníes (ONX), la Organización pa la seguranza y Cooperación n’Europa (OSCE) y el Conseyu d’Europa (COE). De personaxe públicu y popular, pasó a un segundu planu, hasta desapaecer, tres la muerte de la so esposa, siendo xuplíu nes funciones de rexencia y representatives polos sos fíos, Albertu (herederu al tronu como Albert I) y Carolina. Morrió nel 2005 a los 81 años.

    Nel intre la moneda apaez la efixe del príncipe Rainiero III. Riba, el nome del país emisor, MONACO y l’añu d’emisión 2023 llindiaos pola marca la ceca de Pessac (Francia) y la del so grabaor xeneral Joaquin Jimenez. Debaxo, el so títulu y la fecha nacencia RAINIER III-31 MAI 1923.

     Nel aniellu esterior les doce estrelles de la Xunión Europea.

 

     Fonte:Wikipedia: Ranieru III de Mónacu

                Numismático visual (castellán)