 |
|
Semeya: collectorcoins |
Motivu conmemorativu: 150 Aniversariu de la nacencia de
Constantin Carathéodory
Volume d’emisión: 745.500 Fecha d’emisión: 9 setiembre
Constantin Carathéodory (Berlín,1873-Múnich,1950) foi un matemáticu d’orixe familiar griegu. So pá yera diplomáticu del Imperiu Otomán, destináu en Berlín como embaxador, d’ehí la so nacencia xermana. So má venía d’una rica familia de comerciantes griegos. En 1875 la familia treslladose a la embaxada de Bruseles y en Bélxica entamó los sos estudios que finó na Escuela Militar d’Inxeniería. Viaxando per Europa, trabayó pal Imperiu Británicu n’Exiptu mientres diba estudiando matemátiques de mou autodidacta. En 1900 decide dedicase n’esclusivo a tala ciencia y cola pa Berlín, matriculándose na universidá de Göttingen. En 1904 algama un doctoráu por una tesis sobre cálculu de variaciones. Profesor en delles universidaes alemanes, finó como catedráticu na de Munich, onde vivió hasta la fin de los sos díes.
Nel intre la moneda apaez el
bustu del homenaxeáu mirando a manzorga haza una de les sos fórmules
alxebraques: L(A+B)=µA<½
∫(h-U)α√T dt=min. Alredor, el so nome en griegu colos sos años de nacencia y
defunción KΩNΣTANTINOΣ KAPAϴEOΔΩPH 1873-1950 y el nome del país emisor ΕΛΛΗΝΙΚΗ ΔΗΜΟΚΡΑΤΙΑ (República Helena). Tres la nuca,
la marca de la ceca, l’añu acuñación y la robla
del diseñador Georgios Stamatopoulos ΣTAM.
Nel aniellu esterior, les doce estrelles de la Xunión europea.
Fontes: Wikipedia. ConstantinCarathéodory (castellán)
No hay comentarios:
Publicar un comentario