2022: Serie Emblemes Nacionales: Bandera luxemburguesa

 

Semeya: collectorcoins

Motivu conmemorativu: 50 Aniversariu de la bandera luxemburguesa

Tirada: 263.500           Fecha d’emisión: 1^u xunetu

     Lo primero q’un ve ye que les banderes de Luxemburgu y los Países baxos paecen iguales (l’azul luxemburgués ye más claru, azul celeste). Ello ye debío a que enantes de la so independencia, dambos dos territorios taben rexentaos pol soberanu neerlandés, Guillermu I d’Orange Nassau, a la postre, rei de los Países Baxos y gran duque de Luxemburgu. Entamó a emplegase, como seña nacional, a partir de 1845, pero nun foi obxetu de proteición llegal hasta 1972. Magar que nun ye motivu de controversia, dellos parlamentarios sofiten la idega de camudala pola enseña del llión bermeyu, enseña más popular ya identitaria del país, magar que les banderes luxemburguesa y neerlandesa,aseméyense enforma.

 

Comparativa banderes Luxemburgu / Países Baxos

La bandera'l llión

     Nel intre, a manzorga apaez el bustu del gran duque Henri I y a mandrecha la bandera luxemburguesa colos años 1972 (añu del fechu) y 2022 (añu del anivesariu a la par qu’añu d’acuñación). Riba, la marca de la ceca de Houten (Países Baxos) y el so mayestru. Abaxo, el nome del país emisor LËTZEBUERG.

     Nel aniellu esterior les doce estrelles de la Xunión Europea.

 

Fonte: Wikipedia. Bandera de Luxemburgo (castellán)

             Numismática visual (castellán)