2022: Baloncestu lituanu

 

Semeya: collectorcoin

Motivu conmemorativu: 100 Aniversariu del baloncesto en Lituania

Volume d’emisión: 750.000         Fecha d’emisión: 21 d’abril

 

    El baloncestu, o basket, ye un deporte nacíu a finales del sieglu XIX na escuela de la YMCA (Young Men's Christian Association) d’Springfield, Massachusetts, de la man del profesor d’educación física James Naismith. Esti mayestru buscaba dalgna actividá pa caltener a los sos alumnos en forma durante los duros iviernos de Nueva Inglaterra. Tuvo bona acoyida ente les escueles y universidaes norteamericanes (USA y Canadá). Esparderíase llueu per Europa durante la Primer Guerra Mundial, de la man, precisamente, de los soldaos americanos.

     En Lituania ye l’auténticu Deporte Nacional, per delantre’l futbol. Llegó de les manes de los alemanes na variedá europea conocía como Netball. Les primeres en prauticalu nel país foron atletes lituanes allá pel 1920, ensin embargu, el primer enfrentamiento oficial foi masculín. El 23 d’abril de 1922, el Lietuvos Fizinio Lavinimo Sąjunga (Xunión d’Educación Física de Lituania) xugó un partíu es contra l’equipu de la ciudá de Kaunas, ganando 8–6. Ese día, considérase l’entamu del baloncestu en Lituania. Ye triste decilo, pero gracies, llamentablemente, a qu’esti deporte caló ente los homes, féxose popular nel país, enantes taba solamente catalogáu como actividá femenina. Pero tamién ye menester nomar al “pá” real del basket lituanu: Frank Lubin, californianu y componente del equipu de los Estaos Xuníos nos Xuegos Olímpicos de Berlín 1936 (onde algamó la medalla d’oru) y de pás lituanos, foi invitáu a defender la camiseta lituana na II edición del Eurobasket en 1937, ganando ésta y la del 1939. Llegó a camudar el so nome pol lituanu Pranas Lubinas, recuperando l’orixinal en 1940, tres la ocupación del país pola XRSS. Frente al intentu de rusificación, los lituanos vieron nel baloncesto una vía d’escape ya inclusu una vía reivindicativa escontra’l poder rusu, representáu nel sempiternu equipu campeón CSK de Moscú.

     Nel intre apaez un mapa de Lituania convertíu en cancha baloncesto. Riba, el nome del país emisor LIETUVA. Baxo, los años de la efeméride y el d’acuñación 1922-2022. A mandrecha, la marca de la ceca. El diseñu ye obra del artista Egidijus Rapolis.

     Nel aniellu esterior, les doce estrelles de la Xunión europea.

 

     Fontes: Wikipedia: Baloncestu

                  Numismática visual (castellán)

                  ¿Por qué en Lituania se juega al baloncesto? Web Mister Dato (castellán)