2021: Caravaggio

 

Semeya: UFN San Marino

Motivu conmemorativu: 450 Aniversariu del nacimientu de Michelangelo Merisi Caravaggio

Tirada: 54.000           Fecha d’emisión: 1^u de marzu

     Michelangelo Merisi  (1571-1610) pintor italianu conocíu pol nomatu de Caravaggio, nome de la ciudá d’orixe de so má y na que trabayaba so pá a les órdenes del marqués de dicha ciudá. Elli nació en Milano, pero la peste fexo que  colare pa Caravaggio cola so familia. El gran naturalismu de les sos obres, emplegando como modelos a la xente de la cai y el so, d’aquella, altu calteníu eróticu, fexo que toviere detractores na ilesia católica, los sos principales clientes. El so manexu de los claroscuros foi de gran influyencia nel nacimientu del arte barrocu. Amigu de les griesques, tuvo que colar delles vegaes pa fuxir de xuicios y enemigos: Roma, Nápoles, Malta, Sicilia… La so muerte ye un misterio; dizse que pudo morrer de fiebres en Porto Ércole, en La Toscana, y dafechu hai una investigación alrodiu d’unos restos apaecíos nel so cementeriu y que concuerda con munchos datos del pintor.

     Nel intre la moneda apaez un detalle de la so pintura Madalena penitente, conservada na Galería Doria-Pamphili de Roma. Alredor, el nome del país emisor SAN MARINO xunto los años 1571 y 2021 (que ye tamién l’añu acuñación) seguío del nomatu del artista CARAVAGGIO y la marca de la ceca de Roma R. A manzorga, les iniciales SP de la diseñadora Silvia Petrasi.

     Nel aniellu esterior les doce estrelles de la Xunión europea.

     El Vaticanu tamién acuñó esti mesmu añu una moneda de 2 euros dedicada a Caravaggio.

 

     Fontes: Wikipedia. Caravaggio

                  Numismática digital (castellán)

                  BCE. El euro (castellán)

                  Ufficio Filatelico Numismatico San Marino (italianu)