2021: Caravaggio

 

Semeya: collectorcoins

Motivu conmemorativu: 450 Aniversariu del nacimientu de Michelangelo Merisi Caravaggio

Tirada: 78.300           Fecha d’emisión: 25 xunu

     Michelangelo Merisi  (1571-1610) pintor italianu conocíu pol nomatu de Caravaggio, nome de la ciudá d’orixe de so má y na que trabayaba so pá a les órdenes del marqués de dicha ciudá. Elli nació en Milano, pero la peste fexo que  colare pa Caravaggio cola so familia. El gran naturalismu de les sos obres, emplegando como modelos a la xente de la cai y el so, d’aquella, altu calteníu eróticu, fexo que toviere detractores na ilesia católica, los sos principales clientes. El so manexu de los claroscuros foi de gran influyencia nel nacimientu del arte barrocu. Amigu de les griesques, tuvo que colar delles vegaes pa fuxir de xuicios y enemigos: Roma, Nápoles, Malta, Sicilia… La so muerte ye un misterio; dizse que pudo morrer de fiebres en Porto Ércole, en La Toscana, y dafechu hai una investigación alrodiu d’unos restos apaecíos nel so cementeriu y que concuerda con munchos datos del pintor.

     Nel intre la moneda apaez el cuadru tituláu Neñu con un cestu fruta, pintáu en 1593 y espuestu na Galería Borghese de Roma. En semicírculu, el nome del país emisor CITTA’ DEL VATICANO. A manzorga, la marca de la ceca de roma R y a mandrecha, un poco baxo, l’abreviatura de la grabadora Uliana Pernazza (UP. INC.) y la marca de la diseñadora Chiara Principe. Fina’l diseñu col nomatu del homenaxeáu y los años de la conmemoración CARAVAGGIO 1571-2021 (ésti caberu ye tamién l’añu acuñación)

      Nel aniellu esterior les doce estrelles de la Xunión europea.

     Sanmarín tamién acuñó esti añu una moneda dedicada al artista. 

     Fontes: Wikipedia. Caravaggio

                   Numismática visual (castellán)