2021: Llibertá de prensa

Semeya: colectorcoin

 Motivu conmemorativu: Perodismu y comunicación abierta en sofitu de la democracia finlandesa 

 

Volume d’emisión: 800.000         Fecha d’emisión: 2u trimestre 

 

     Reporteros ensin fronteres espubliza tolos años una clasificación mundial no referente a la llibertá de prensa, teniendo en cuenta criterios d’independencia y pluralismu nos medios de comunicación, transparencia informativa, y proteición xurídica y de seguranza, asina como la llibertá de los sos periodistes. Finlandia ta siempre nos primeros puestos (ente’l 2010 y 2016, la primera). Com curiosidá, España anda pel puestu 29 ente 180 países (llista del 2020). 

 

     Esti añu cumpliose’l 255 aniversariu de la primera llexislación sobre llibertá informativa y d’espresión, promulgada en 1766 poles actuales Finlandia y Suecia. Cumpliose tamién el 30 aniversariu de la Declaración de Windhoek (Namibia, 1991) y orixe del Día Mundial de la Llibertá de Prensa, el 3 de mayu; la UNESCO fíncase na idega de “fomentar la llibertá de prensa nel mundiu al reconocer q’una prensa llibre, pluralista ya independiente ye un componente básicu de toa sociedá democrática” 

 

     Nel intre la moneda apaez un enguedeyu cinta asemeyando figures antropomórfiques entellazaes. Alredor del diseñu apaez el términu “periodismu” en suecu y finlandés JOURNALISMI-JOURNALISTIK. L’añu emisión 2021 vién llindiáu pola marca de ceca y Fi, como iniciales del país emisor. 

 

     Nel aniellu esterior, les doce estrelles de la Xunión europea. 

 

     Fontes: Numismatica visual (castellán) 

                  Diariu Oficial de la Xunión europea a traviés d’eurocoinland