2021: El llobu

 

Semeya: coindatabase 

Motivu conmemorativu: El llobu, animal nacional d’Estonia 

 

Volume d’emisión: 1.000.000         Fecha d’emisión: Abril 

   

     Ésti ye’l mio Totem. Toi namoráu del canis lupus, un ser que forma parte una manada pero a la par suel ser bastante solitariu, autosuficiente. 

Poro, nun ye un res raro qu’esta moneda me preste enforma. 

 

     N’abril del 2018, delles organizaciones detacaes del país como la Sociedá de la Natura d’Estonia, el Muséu d’Hestoria Natural d’Estonia y el Zoo de Tallin, sacaron un comunicáu reconociendo al llobu como animal identificativu de la natura xabaz ya intauta de la nación. Ente les reconocencies al animal detacaron la so influyencia tanto na llingua como na cultura tradicional ya inclusu l’emplegu del nomatu Tierra de Llobos pa definir delles zones forestales del país. Detaquen tamién la so vital función nel control d’especies herbívores, asina como’l so indiscutible señoríu en Vieques y rexones llamargoses y el so carisma. Pel 2020 había censaos unos 200 llobos dixebraos en unes 20-25 manaes n’Estonia. 

 

     Nel intre la moneda aparez un llobu aullando nuna viesca coníferes baxo un cielu estrelláu. Allendando’l grabáu, apaez el so nome científicu CANIS LUPUS, el nome del país emisor EESTI y l’añu emisión 2021. El diseñu ye obra de la diseñadora  Maria Meos, ganadora d’un concursu públicu sofitáu pol Bancu d’Estonia. 

 

     Nel aniellu esterior, les doce estrelles de la Xunión europea. 

 

Fonte: Numismático visual (castellán)