 |
|
Semeya: collectorcoin |
Motivu conmemorativu: 500 Cabudañu de Raffaello Sanzio
Tirada: 101.000 Fecha d’emisión: 5 d’ochobre
Raffaello Sanzio (1483-1520) tamién conocíu como Rafael d’Urbino o simplemente como Rafael. Foi un pintor y arquiteutu italianu del Renacimientu. Además del so llabor pictóricu, almiráu ya imitáu durante sieglos, fexo importantes aportes n’arquiteutura y, como inspeutor d’antigüedaes, interesose nel estudiu y conservación de los vestixos grecorromanos. Fíu d’un pintor de modesta relevancia, foi consideráu un neñu prodixu pola so precoz habilidá, formándose nos talleres de dellos artistes de gran relevancia. Xunto con Miguel Ánxelu y Leonardo da Vinci, conforma’l tríu de los grandes mayestros del momentu. A los 25 años obtién el so primer encargu oficial, la decoración de les Estancies Vaticanes, donde pintó dellos frescos como La escuela d’Atenes, considerada una de les sos obres cume. A pesar de morrer a los 37 años, dexó una bayura trabayos gracies a los colaboradores del so taller, dafechu, el so encargu más importante pal Vaticanu tuvo que ser fináu por ellos. La mayor parte de la so obra asítiase nos Museos vaticanos.
Nel intre, la moneda apaez partía; per un llau, un autorretratu de Rafael sacáu del frescu La escuela d’Atenes, asitiáu nos Museos Vaticanos; y pel otru, dos ánxelos sacaos del so cuadru La Madonna Sixtina, asitiada na Gemäldegalerie Alte Meister de Dresde (Alemaña). Enriba los querubinos apaecen el nome del homenaxeáu RAFFAELLO SANZIO Y los años del fechu, 1520 2020 (esti últimu ye tamién el d’acuñación). Y so ellos, el nome del país emisor CITTA’ DEL VATICANO, la marca de la ceca de Roma R, el nome de la diseñadora Daniela Longo y el monograma SP con INC de la grabadora Silvia Petrassi.
Nel aniellu esterior les doce estrelles de la Xunión europea.
Sanmarín tamién sacó una moneda conmemorativa de 2 euros esti mesmu añu pa cellebrar esti fechu.
Fontes: Wikipedia. Raffaello Sanzio
Numismática visual (castellán)
No hay comentarios:
Publicar un comentario