2020: Rafael

 

Semeya: colectorcoin

Motivu conmemorativu: 500 Cabudañu de Raffaello Sanzio 

Tirada: 54.000           Fecha d’emisión: 5 marzu

     Raffaello Sanzio (1483-1520) ​ tamién conocíu como Rafael d’Urbino o simplemente como Rafael. Foi un pintor y arquiteutu italianu del Renacimientu. Además del so llabor pictóricu, almiráu ya imitáu durante sieglos, fexo importantes aportes n’arquiteutura y, como inspeutor d’antigüedaes, interesose nel estudiu y conservación de los vestixos grecorromanos. Fíu d’un pintor de modesta relevancia, foi consideráu un neñu prodixu pola so precoz habilidá, formándose nos talleres de dellos artistes de gran relevancia. Xunto con Miguel Ánxelu y Leonardo da Vinci, conforma’l tríu de los grandes mayestros del momentu.  A los 25 años obtién el so primer encargu oficial, la decoración de les Estancies Vaticanes, donde pintó dellos frescos como La escuela d’Atenes, considerada una de les sos obres cume.​ A pesar de morrer a los 37 años, dexó una bayura trabayos gracies a los collaboraores del so taller, dafechu, el so encargu más importante pal Vaticanu tuvo que ser fináu por ellos. La mayor parte de la so obra asítiase nos Museos vaticanos.

 

     Nel intre la moneda aparez un detalle de la so pintura Madonna di Casa Santi, en concretu el perfil de la virxe. Alredor, el nome del país emisor SAN MARINO colos años 1520, 2020 (que ye tamién l’añu acuñación). So ella, RAFAELLO y un pocuñín per baxu a mandrecha les iniciales A.M. de la diseñadora Annalisa Masini. La marca de la ceca de Roma R aparez a manzorga.

     Nel aniellu esterior les doce estrelles de la Xunión europea.

     El Vaticanu tamién sacó esti mesmu añu una moneda de 2 euros pa festexar el fechu.

     Fontes: Wikipedia. Raffaello Sanzio

                  Numismática visual (castellán)

                  Diariu oficial de la Xunión europea a traviés d’Eurocoin